Tez-tez beriladigan savollar

Qanday fayllarni yuklash mumkin?

Excel (.xlsx) va CSV. Ilova ustunlarni nomiga qarab taxmin qiladi, siz esa yuklashdan oldin ularni oʻzingiz tuzatishingiz mumkin. Fayl hajmi cheklangan; cheklovdan oshsa, ilova shu haqda aytadi.

Mening faylim oʻzgaradimi?

Kompyuteringizdagi fayl oʻzgarmaydi. Eksportda fayl oʻz shaklida qaytadi; unda faqat qabul qilingan kodlar yangilanadi.

Serverdagi nusxada esa tekshiruv uchun tanlangan ustunlardan (nom, shtrix-kod, kod, birlik va h.k.) tashqari hujayralar tashkilotingizning saqlash muddati oʻtgach tozalanadi. Muddatni administrator Sozlamalar → Maʼlumotlar boʻlimida tanlaydi (7, 30 yoki 90 kun yoki muddatsiz). Qoida faqat siyosat boshlangan sanadan keyin yuklangan fayllarga qoʻllanadi. Tozalangandan keyin eksportda bu ustunlar boʻsh chiqadi. Batafsil: Xavfsizlik va maʼlumotlar.

Ilova kodni oʻzi almashtiradimi?

Yoʻq. Ilova taklif beradi, qaror sizniki. Lugʻatdagi mosliklarni avtomatik qabul qilish faqat sozlamalarda yoqilsa ishlaydi.

Taklif notoʻgʻri boʻlsa nima qilaman?

Muqobil kodlardan birini tanlang yoki kodni qidiring. Taklif notoʻgʻri tugmasi bilan sabab yozsangiz, bu aniqlik koʻrsatkichlariga qoʻshiladi.

Katalogning yangi versiyasini yuklasam-chi?

Ilova uni mijozning oldingi katalogi bilan solishtiradi, oʻzgarmagan qatorlardagi qarorlarni koʻchiradi va "Versiyalar farqi" sahifasida nima qoʻshilgani, oʻzgargani va olib tashlangani koʻrsatiladi.

Rol va ruxsatlar qanday?

Administrator jamoani va sozlamalarni boshqaradi, buxgalter qaror qabul qiladi, kuzatuvchi faqat koʻradi. Buxgalter va kuzatuvchi uchun administrator «Barcha mijozlar» yoki «Tanlangan mijozlar»ni belgilaydi.

Mijozga hisobotni qanday yuboraman?

Katalogdan faqat oʻqish uchun havola yarating: muddati 7 yoki 30 kun, istasangiz PDF bilan. Havolani istalgan vaqtda bekor qilish mumkin.

API bormi?

Ha. Administrator Sozlamalar → Integratsiyalar boʻlimida kalit yaratadi; hujjatlar API sahifasida. Chegaralar va boshqa integratsiyalar: API va integratsiyalar.

EHF bloklanishi haqida nima deyish mumkin?

Savdo korxonalarida sotilayotgan tovar kodi xaridlardagi kod bilan solishtiriladi: VMQ № 595 (22.09.2021) 6-bandi «g» va Soliq qoʻmitasining 08.04.2026 dagi rasmiy munosabatiga qarang. Batafsil: MXIK kodi tuzilishi. Soliq boʻyicha qoʻshimcha savollar uchun soliq maslahatchisiga murojaat qiling.